«Քերակ» ընդլայնման օգնությամբ Դուք կարող եք հեշտությամբ ճշտել կամ սովորել հայերեն բառերի իմաստները և որոշ դեպքերում թարգմանությունները: Հավելվածը օգտագործում է Վիքիբառարանի տվյալները։ Օտար համակարգչից օգտվելիս հայերեն գրելու անզուսպ պահանջմունքը բավարարելու համար կարող եք րոպեական ներբեռնել այս ընդլայնումը, սեղմել համապատասխան կոճակը և անգլերեն ստեղնաշարը ընտրելով գրել հայատառ: Մենք գիտենք, որ սեփական համակարգչին Դուք արդեն տեղադրել եք հայերեն հնչյունակազմական UNICODE ստեղնաշարը, չէ՞:
Google Chrome ընդլայնումների խանութում այն գտնվում է այստեղ՝ https://chrome.google.com/webstore/detail/%D6%84%D5%A5%D6%80%D5%A1%D5%AF/lpmamgpmgojafbpbcgkcicpjbaccekfm
Ընդլայնումը գտնվում է փորձնական փուլում, խնդրում ենք ներողամիտ լինել թերությունների համար
Թերություններ, որոնց մասին տեղյակ ենք և աշխատելու ենք ուղղել՝
- «Քերակի» պատկերակին սեղմելիս նշորդը ինքնաշխատորեն չի տեղադրվում մուտքագրման տողի վրա (սեղմել և մուտքագրել չի ստացվում): Ներկայիս տարբերակում հարկավոր է ևս մեկ գործողություն կատարել մուտքագրելուց առաջ՝ սեղմել տողին:
- Բացատրությունների տառատեսակի գույնը հարկավոր է փոխել: Բաց մոխրագույնի վրա մուգ մոխրագույնը լավ չի ընկալվում:
- Հայերեն ստեղնաշարի կոճակի գործառույթը պետք է ավելի կատարյալ հնչյունակազմական ստեղնաշար օգտագործի: